موقع الأرض

السيسي: نستورد 90% من احتياجاتنا من الزيت.. ونستهدف زراعة 500 ألف فدان

محمد عدلي -

قال الرئيس عبدالفتاح السيسي، "مش عاوزين نتكلم في موضوع الأكل كتير في التلفزيون، ميصحش، المواد الغذائية موجودة وإحنا صادقين وشفافين جدا معاكم، وبنقولكم كل حاجة، إحنا نحافظ على الاحتياطي الاستراتيجي للسلع 6 شهور وده بيكلفنا كتير".

وأضاف خلال كلمته في افتتاح الرئيس عبدالفتاح السيسي، المرحلة الثانية من مصنع سايلو فودز: "كلمة 6 شهور معناه إننا بنحجز فلوس لمدة 6 شهور، يعني بنشتري ونضعهم في المخازن بتكلفة كبيرة جدا، لكن لا بأس مستمرون على موقفنا رغم صعوبة الظروف الاقتصادية التي تقابلنا".

وتابع: "بالنسبة للزيت، كنت بتكلم مع دكتور مصطفى مدبولي، وبنقول إننا بنستورد بـ2.5 ملايين طن، وده اكتر من 90% من احتياجاتنا، لكن إحنا شغالين بخطة بنتكلم في زراعة 250 ألف فدان فول صويا والسنة الجاية يبقوا 500 ألف فدان فول صويا، لزيادة حجم إنتاج الزيت من الفول الصويا المحلي، وعشان الفلاح المصري يستفيد من ده بدل ما نشتري من بره".