السيسي: عندي حلم بتغيير رؤوس الماشية لدى الفلاحين بأخرى مطورة
قال الرئيس عبدالفتاح السيسي «مزرعة الللاهون موجودة في الفيوم، وهي من ضمن المحافظات التي كانت تحتاج لتشغيل وتواجد الصوب الرزاعية يشغل الكثير من العمالة بشكل جيد»، موضحا «لو رجعنا لأيام سيدنا يوسف وشوفنا ليه ساب القمح في سنابله هنشوف إنه لو كان عمله حصاد وبقى القمح كدا مكانش هيستحمل التخزين ويتلف، والذرة كذلك، فالدول المتقدمة التي تورد لنا الذرة تجففه وتصدره لنا، ومكانش بيتعمل عندنا لأنه معندناش مجففات التي تجف قبل الوضع في الصومعة، وهو ما جاري معالجته الآن».
وأضاف الرئيس خلال افتتاحه مشروع مستقبل مصر «عندي حلم عاوز أطلبه من وزير الزراعة على الهواء كدا.. حجم الرؤوس الماشية اللي يمتلكها الفلاح المصري حوالي 2 مليون، وبقول للمصريين وكل اللي مهتم من المجتمع المدني هو حلم كبير أوي بس مش كبير علينا ولا على المصريين، اللي عنده رأس ماشية غير مطورة بتآكل نفس الأكل اللي بيآكله الماشية التي تم تطويرها وتشرب نفس الشرب، والمطورة بتنتج لحم حوالي 7 كيلو في اليوم، والغير مطورة حوالي 1.5 كيلو في اليوم، والـ2 مليون رأس ماشية لو اتغيرو وأخدناهم وأدينا للفلاحين النوع اللي بيزيد الـ2 مليون دول هيدوني كتير جدا، والراس اللي كانت بتعمل 1000 جنيه تعمل 5000 جنيه، ولو عاوزين نغير حياة الناس لازم نعمل ده، الرأس المطورة قد تكون عبئ وأغلى لأنها مستوردة»
واستكمل الرئيس «ياأهل الخير ياللي عاوزين تعملو أعمال بر وعاوزين ترفعو وتحسنو من حياة الناس، البر مش انك تدي حد يآكل أو تعمله مدرية أو جامع، ولكن البر إني أخلي المواطن اللي بيكسب 1000 أو 2000 أضاعفله الرقم، على مستوى الفرد، أما على مستوى الدولة بيكون نفس حكم الأكل والمية وأضاعف الإنتاج مرة أو إتنين».
