”عمر 10 يوم” .. الخطوة 21 من حملة ”ڨيت مديكا” .. يوميات مربي دواجن ـ شتاء 2020 ”مالهاش إلا البيست”

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة "تسمين" سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان، وتبدأ هذه الحلقات بالتطهير في عدة حلقات أيضا، فإلى الحلقة الحادية والعشرين، وهي "عمر 10 يوم":

نعمل ايه عشان نحمي مزارعنا في المناطق شديدة الوبائية بالنيوكاسل ؟

هنجاوب على السؤال دا و نتعرف مع بعض انهارده زي ما وعدناكم على مرض النيوكاسل بس الأول زي كل يوم تعالوا نطمن على مزرعتنا و نتابع الأمن الحيوي حائط الصد الأول ضد جميع المسببات المرضية

متابعة الأمن الحيوي

هنجدد مع بعض كل يوم العزيمة أكثر من اليوم اللي قبله و اهتمامنا بأدق تفاصيل الأمن الحيوي يزيد و يكون أكثر صرامة و حزم

- ممنوع منعا باتا دخول أي شخص المزرعة بدون استحمام و تغيير الملابس للملابس المخصصة للمزرعة و يسيب متعلقاته بره

- مغاطس العربيات و الاقدام مليانة مطهر فارم فلويد اس

- دخول المعدات و الأدوات للمزرعة بحساب و لازم تتغسل و تطهر كويس ب مطهر ڨيركون اس أقوى و أسرع مطهر عالميا

- رش السلالم و امام العنابر مطهر ڨيركون اس

- احواض غسيل اليد امام العنابر مليانة مطهر بيوسيد30

- حوالين العنابر نظيف و مفيش مياه ولا علف في الأرض عشان مفيش طيور برية تنزل في المزرعة

- نتابع برنامج مكافحة القوارض في المزرعة سواء مصايد أو سم للفران

متابعة المياه والعلف

ناخد بالنا الفترة اللي جاية تزايد استهلاك العلف بيكون سريع و ماينفعش بأي شكل من الأشكال دواجن التسمين تجوع عشان دا هيدخلنا في مشكلة اجهاد و مشكلة ان الفراخ تاكل سبلة و ندخل في مشاكل كوكسيديا و كلوستريديا فرجاءا ولا الفراخ تجوع ولا نوقع علف على السبلة أثناء التعليف, انهارده في اليوم العاشر استهلاك العلف تقريبا في حدود 48 كيلوجرام للألف طائر

ناخد بالنا من المساقي يكون الضغط مظبوط و خطوط النبل برضه لازم نظبط الضغط عشان الفرشة ماتبوظش, استهلاك المياه انهارده 90 لتر لكل 1000 طائر

متابعة التهوية والحرارة

التهوية بتلعب دور كبير جدا في تربية الدواجن و زي ما قلنا اعرف منين ان انا بهوي صح؟

لما أقف في وسط العنبر اخد نفسي بأريحية و مفيش غبار أو بخار مياه في العنبر ولا ريحة أمونيا طبعا و مفيش تيار هوا جامد في وشي

انهارده في اليوم العاشر درجة الحرارة 29

متابعة الفرشة

زي ما اتفقنا ان الفرشة من أكثر العناصر اللي ممكن تدخلنا في متاهات و مشاكل تنفسية و معوية

لو الفرشة رطبت و وقع علف على الأرض هيحصل تحلل لمواد العلف مع الفرشة و زرق الطيور و هينتج غاز أمونيا يعملنا مشاكل تنفسية احنا في غنى عنها

مش كدا وبس كمان هيحصل مشاكل معوية زي الكوكسيديا و الكلوستريديا

فأي تلف يحصل في الفرشة يتشال فورا و نحط نشارة جديدة

نيوكاسل الدواجن

مرض فيروسي بيصيب الدواجن و بيكون في أغلب الأحيان شديد الضراوة و ممكن النافق يوصل لا قدر الله ل 100 % من القطيع, و أعراض المرض اللي ممكن نشوفها في العنبر

أعراض عامة : خمول و قلة حركة و تراجع شديد في استهلاك العلف بنقول عليها فرملة

اعراض تنفسية: حشرجة و صعوبة في التنفس و أصوات تنفسية عالية زي الصرخة و دي للمربيين القدام بتكون مميزة و حافظين الصوت

اعراض معوية : ممكن يظهر اسهال أخضر و دا برضه مش دليل قاطع ان في نيوكاسل

أعراض عصبية : زي التواء الرقبة و دا بيكون في اخر فترة المرض و من الآثار اللي بيسيبها في القطيع

طب ازاي اتأكد انه نيوكاسل؟

زيارة لاستشاري أمراض الدواجن مشرف المزرعة

هو أكتر حد هيساعدك في التشخيص و العلاج بوسائل التشخيص الحديثة

طب ايه الحل؟

ملهاش الا البيست

لقاح فولفاك بيست هو درع الأمان لمزرعتك ضد النيوكاسل بجميع عتراته في المناطق شديدة الوبائية

ليه بنقول كدا

الفكرة في لقاح النيوكاسل هي التركيز , كل ما كان تركيز النيوكاسل أعلى في اللقاح الزيتي كل ما كانت نسبة الصد أعلى عند التعرض للاصابة

و أعلى تركيز نيوكاسل موجود في لقاح فولفاك بيست

بالاضافة لتكنولوجيا المادة الحاملة في لقاح فولفاك بيست تخلي اللقاح يدي الطائر مناعات سريعة و أعلى مستويات حماية

عشان كدا لقاح فولفاك بيست هو أقوى لقاح ثنائي للصد ضد انفلونزا الطيور و نيوكاسل الدواجن

ملهاش الا البيست

حقن لقاح فولفاك بيست بجرعة 0.5 سم تحت جلد الرقبة عمر 7 الى 10 أيام حسب توصياد استشاري أمراض الدواجن مشرف المزرعة

لطلب ڨولڨاك بيست من خلال

نتقابل البوست الجاي في

يوميات مربي دواجن

شتاء 2020