”عمر 11 يوم” .. الخطوة 22 من حملة ”ڨيت مديكا” .. يوميات مربي دواجن ـ شتاء 2020 ”فيركون إس” .. المطهر الأقوى لأمن حيوي حقيقي

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة "تسمين" سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان، وتبدأ هذه الحلقات بالتطهير في عدة حلقات أيضا، فإلى الحلقة الثانية والعشرين، وهي "عمر 11 يوم":

اللي بيربي في دورة تسمين و عمر 11 يوم معانا يكتب في التعليقات

عمر 11 يوم يعني تقريبا عدى ثلث دورة التسمين و عشان نطمن على الأيام اللي فاضلة في الدورة مفيش حل تاني غير اننا نهتم ب الأمن الحيوي

يللا بينا ننزل نتابع مزرعتنا و نتأكد ان كل ثغرة يدخلي منها المسببات المرضية مقفولة بأقوى مطهرات

معلومة مهمة: مهما صرفت على الأمن الحيوي من المطهرات لن يتعدى 1.5 % من اجمالي تكاليف الدورة

متابعة الأمن الحيوي

- كل ما عمر الفراخ يتقدم تكون الزيارات أقل و في أضيق الحدود و الزائر لازم يستحمى و يلبس الزس المخصص للمزرعة و تانك الحموم يكون فيه مطهر فيركون اس عشان هو المطهر الأسرع و الأوسع مدى تطهيري و كمان الأكثر أمانا

- مغاطس العربيات و الأقدام أمام العنابر مليانة بمطهر فارمفلويداس بمعدل اضافة 5سم / لتر الماء... مطهر المهام الشاقة يقدر فيه مادة غروية تغلف كاوتش العربية و الحذاء المخصص للعنابر فيفصلهم عن المزرعة و يمنع دخول المسبب المرضي

- حوالين العنابر نتأكد ان مفيش مياه ولا علف عشان الطيور البرية متنزلش العنبر

- أحواض التطهير أمام العنابر نتأكد انها مليانة بيوسيد30 لتطهير الأيدي قبل الدخول للعنابر

- دخول المعدات و الأدوات للمزرعة لازم تتغسل و تتطهر كويس ... الله أعلم جاية منين و عدت على ايه في الطريق

متابعة المياه والعلف

- لو عندنا خطوط نبل يفضل نضخها من فترة للثانية عشان ماتتكتمش و خزانات المياه فوق العنابر برضه تتغسل كل اسبوع عشان بيتراكم فيها مادة عضوية من الأدوية , انهارده اليوم ال 11 استهلاك المياه تقريبا 100 لتر لكل 1000 طائر

- نبتدي نخف علافات التحضين مع زيادة العلافات الصاج أو زيادة الفراخ على خطوط البان او خطوط الجنزير و لازم نبقى حريصين ان كل الفراخ تاكل و المساحة العلفية كافية عشان مايحصلش تفاوت في الأوزان, انهارده في اليوم ال 11 استهلاك العلف تقريبا 54 كيلوجرام لكل 1000 طائر

متابعة التهوية ودرجة الحرارة

احنا بنشتغل على الحد الأدنى للتهوية و دا مش معناه ان العنابر تتكتم يعني نكون واقفين في وسط العنبر بنتنفس بشكل طبيعي و مفيش غبار ولا ريحة أمونيا ولا رطوبة عالية

و عشان نراجع على التهوية هنحط رابط التهوية في أول تعليق

متابعة الفرشة

عايزين نقلل من احتمالية الاصابة الشديدة بالكوكسيديا و الكلوستريديا و الأمراض التنفسية؟

نهتم بالفرشة..... مفيش تقليب عشان مانزودش الغبار

أي منطقة بتتبل في الفرشة بنغيرها بنشارة جديدة

نظبط ضغط خطوط النبل و المساقي عشان ماتسربش عالفرشة

نظبط ارتفاع العلافات عشان مفيش علف يقع عالفرشة

هنتكلم في بوست كامل على تأثير الامونيا العالية و قلة الاكسجين في العنبر

في حالة تراجع استهلاك العلف أو قلة حيوية الطيور

1- ڨيركون اس في ماء الشرب بجرعة 2جم / لتر الماء عشان لو في اصابة يقلل انتشارها بين أفراد القطيع

2- أفيبوست تونيك في ماء الشرب بجرعة 1سم / لتر الماء عشان يعوض قلة العلف و الفراخ ما تسردش مننا

3- زيارة لاستشاري أمراض الدواجن لتشخيص الحالة و توصيف الأدوية المناسبة

هنحط رابط فيركون اس و افيبوست في ثاني تعليق

تحصين الطيورعن طريق التقطير

ليه دايما بننصح بتحصين اللقاحات الحية عن طريق التقطير؟

1- أعلى طرق التحصين كفائة للطيور بمقارنتها بغيرها من الطرق

2- بنتأكد ان كل طائر في القطيع وصله التحصين

3- نقدر ناخد منها مستويات مناعات متجانسة للطيور في القطيع.

طب نركز في ايه و احنا بنقطر؟

1- نوسع حجازة التحصين لأن غالبا التقطير هياخد وقت طويل فمنعرضش الفراخ للأجهاد

2- نستخدم ماء مقطر ندوب فيه اللقاح أو لو اللقاح معاه مذسب نستخدمه

3- كمية المياه اللازمة للألف طائر من 30 الى 40 سم حسب القطارة اللي بنستخدمها

4- حل الامبولات بيكون ب سرنجة بنسحب بيها المياه المقطرة و ندخلها جوا امبول اللقاح, و نقلب الأمبول من مرتين ل 3 مرات لحد ما نتأكد ان الللقاح ذاب في الماء, نفتح الأمبول, و نزود مياه من القطارة و نرجع المياه بالتحصين في القطارة تاني.

5- نحل الأمبولات ألف بألف مش كل العنبر مرة واحدة و يكون معانا كولمان في العنبر فيه ثلج عشان لو محلول التحصين اتبقى فيه حاجة نحافظ عليها في الثلج لحد ما فرد من اللي بيقطروا يستخدمه

6- نوزع الألف على أكثر من فرد عشان التحصين مايسخنش في ايد اللي بيقطر

7- طريقة التحصين: نمسك الكتكوت و نفتح جفنه اللي تحت و ننزل نقطة التحصين في عينه و مانسيبهوش الا ما نتأكد انه بلعها... مانفرحش بالسرعة عشان ناخد نتيجة قوية

نصيحة ڨيت ميديكا : مراجعة استشاري أمراض الدواجن قبل التحصين في الطريقة و نوع التحصين

نتقابل البوست الجاي في

يوميات مربي دواجن

شتاء 2020