”عمر 12 يوم” .. الخطوة 23 من حملة ”ڨيت مديكا” .. يوميات مربي دواجن ـ شتاء 2020 ”فيركون إس” أساس الحماية

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة "تسمين" سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان، وتبدأ هذه الحلقات بالتطهير في عدة حلقات أيضا، فإلى الحلقة الثالثة والعشرين، وهي "عمر 12 يوم":

عاصفة ترابية...عاصفة رملية...أمطار شديدة

مانقلقش طول ما احنا محافظين على أمن مزرعتنا الحيوي, حائط الصد الأول ضد جميع المسببات المرضية

مع تقدم عمر الفراخ احتياجاتها بتزيد و تحويلها بيزيد و دا لوحده نوع من انواع الاجهاد فمش عايزين نزود الاجهاد كمان باصابة لاقدر الله

من الاصابات المتوقعة في العمر اللي احنا فيه هو فيروس الجمبورو, هنتكلم عنه انهارده بس يلا نتابع مزرعتنا الأول

متابعة الأمن الحيوي

عشان نكون متفقين لو في أي عاصفة ترابية أو رملية دا معناه انها أكيد شايله معاها فيروسات لأن الفيروسات و خصوصا الانفلونزا و النيوكاسل هتتحمل على حبات الرمل و تتنقل مع الهواء

طب ازاي نسيطر على انتقال الفيروسات في عنابرنا

- فيركون اس رش في العنبر بمعدل اضافة 5 جم / لتر الماء

- فيركون اس في ماء الشرب بمعدل اضافة 1 جرام / لتر الماء

نخلي اجرائات الامن الحيوي في مزرعتنا أكثر صرامة

- ممنوع الزيارات للمزرعة

- دخول المعدات و الأدوات للمزرعة بعد غسيلها و تطهيرها ب فيركون اس

- الأنابيب نغسلها الأول و تتطهر بفارمفلويداس أقوى مطهر يتوظف في تطهير الأنابيب لأن عنده القدرة انه يغلف السطح اللي بيطهره و يعزله تماما عن جو العنبر

- مغاطس العربيات و الأقدام امام العنابر مليانه مطهر فارم فلويد اس

- حوالين المزرعة نظيف و مفيش علف واقع في الأرض عشان الطيور متنزلش المزرعة

- تطهير السكن بصفة دورية

متابعة الماء والعلف

نتابع كميات العلف و المياه اللي الطيور بتستهلكها كويس لأن أي انخفاض في العلف تحديدا نترجمه ان في اجهاد على الطائر و عشان كدا استهلاكه بيقل, انهارده اليوم ال 12 كمية العلف لل 1000 طائر 58 كيلوجرام, و كمية المياه 108 لتر

زي ما اتفقنا مفيش علف يقع على الأرض أثناء التعليف و نظبط ارتفاع خطوط البان أو الجنزير أو العلافات الصاج عشان ماتهدرش علف و تهدير العلف هيعملنا حاجتين

1- يعلي معامل التحويل لأن هيتحسب عالفراخ أكل ما أكلتهوش

2- تنشيط الكلوستريديا و الكوكسيديا

متابعة الفرشة

عنينا عالفرشة نتابعها زي ما بنتابع العلف و المياه

مفيش تقليب و أي جزء يبوظ في الفرشة هنشيل و نحط نشارة جديدة عشان الأمونيا ماتزيدش جوا العنبر

فيروس الجمبورو

فيروس الجمبورو من الفيروسات الصعبة جدا في تطهيرها و لازم نعمل حسابه من اول التطهير و نعرف ان الخنافس يقدر يعيش عليها فيروس الجمبورو و يعتبروا ناقل ليه

فلازم نهتم في التطهير بأبادة الحشرات

- كيفية الاصابة

الفيروس بيدخل جسم الطائر عن طريق البلع

فلازم تتأكد ان علافاتك و مساقيك متطهرة كويس و المياه اللي داخلة العنبر كمان نظيفة و خالية من المسببات المرضية

و دا تقدر تعمله عن طريق اضافة فيركون اس لماء الشرب بعيدا عن ايام التحصينات و خصوصا في العمر دا لاحتمالية الأصابة بجرعة جرام على لتر الماء

برنامج التحصين

أفضل تصميم ليه بيكون من استشاري أمراض الدواجن مشرف المزرعة لمعرفته بوبائية المنطقة و المزرعة

أعراض مرض الجمبورو اللي نقدر نشوفها بعنينا في المزرعة

انخفاض ملحوظ في سحب العلف

هنلاقي كتاكيت كاشة و مركنة و لما تمسك الكتكوت في ايدك تلاقيه بيترعش و سخن بفعل الحمى

الزرق بعضه بيكون جيري زي الطباشير

النافق بيعلى في العدد مرة واحدة و لمدة 3 ايام و يثبت و ينزل في العدد مرة واحدة

طب أول ما نلاقي أعراض اصابة نعمل ايه؟

لازم زيارة سريعة لاستشاري أمراض الدواجن مشرف المزرعة للتشريح و التشخيص و لحد الزيارة و التشخيص الدقيق هنعمل الآتي:

1- فيركون اس في ماء الشرب بجرعة 2جرام على اللتر لتقليل انتشار الفيروس في العنبر (الاصابة عن طريق البلع)

2- افيبوست تونيك بجرعة 1سم/ لتر الماء لتعويض قلة سحب العلف لأن افيبوست تونيك من انتاج شركة باير الألمانية, المنتج الوحيد في السوق اللي بيحتوي على Recovery Matrix Force

و دي عبارة عن النيوكلوتيدات اللي بتساعد على بناء الخلايا سريعا

بالاضافة الى جرعة عالية من الأحماض الأمينية و الأحماض الدهنية و الالكترولايت و المعادن و الأملاح فالفراخ ماتسردش مننا بعد الأصابة و مايحصلش تفاوت في الأوزان

أحد حلول ڨيت ميديكا لمشكلة الجمبورو

لقاح ڨولڨاك جمبورو

من انتاج شركة بورينجر انجلهايم الألمانية

لقاح ڨولڨاك جمبورو يتميز ب الحماية و الأمان

لقاح من عترة متوسطة الضراوة D78

الحماية:

عترة D78 في لقاح ڨولڨاك جمبورو عترة طبيعية فبتضمنلك حماية واسعة ضد طيف كبير من عترات الجمبورو الحقلية

الأمان:

أثناء تصنيع لقاح ڨولڨاك جمبورو يتم تمرير الفيروس الحقلي على بيض و أنسجة فليس له رد فعل على الطيور

نصيحة ڨيت ميديكا: مراجعة استشاري أمراض الدواجن مشرف المزرعة في أدق وقت لتحصين الجمبورو

نتقابل البوست الجاي في

يوميات مربي دواجن

شتاء 2020