”عمر 9 يوم” .. الخطوة 20 من حملة ”ڨيت مديكا” .. يوميات مربي دواجن ـ شتاء 2020 .. ڨولڨاك بيست .. الاختيار الأول لصد أنفلوانزا الطيور والنيوكاسيل

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة "تسمين" سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة العشرين، وهي "عمر 9 يوم":

مين أخطر على الدواجن انفلونزا الطيور ولا النيوكاسل ؟!

هنتعرف مع بعض انهارده على انفلونزا الطيور و بكره على النيوكاسل

و ليه ڨولڨاك بيست اختيارك الأول للتصدي لانفلونزا الطيور و نيوكاسل الدواجن

بس خلينا الأول نتابع مزرعتنا و نقوي أمننا الحيوي حائط الصد الأول لجميع المسببات المرضية

متابعة الأمن الحيوي

أمن مزرعتنا الحيوي لو فرطنا في جزء صغير منه هيسيب كله و مش هنعرف نرجعه زي الأول تاني

عشان كدا كل يوم نأكد عليه أكتر من اليوم اللي قبله

و ناخد بالنا عشان في العمر دا بنتبتدي التحصينات في المزرعة فبنأكد مع بعض

- فريق الحقن اللي داخل المزرعة يستحمى و يلبسوا اللبس المخصص للمزرعة و أي متعلقات تتساب على الباب مش في السكن, طالما الحاجة دخلت المزرعة من غير تطهير فدا اختراق للأمن الحيوي

- أي معدات أو أدوات هتدخل المزرعة تتغسل و تطهر ب ڨيركون اس و خصوصا الأنابيب

- مغاطس العربيات و الأقدام مليانة مطهر فارم فلويد اس بمعدل اضافة 5سم/لتر الماء

- مساقي و أحواض التطهير امام العنابر مليانة مطهر بيوسيد30

بمعدل اضافة 5سم/لتر الماء

- رش السلالم بمطهر ڨيركون اس بمعدل اضافة 5جم/ لتر الماء

- متابعة التطهير الخارجي حوالين العنابر نكون متأكدين ان مفيش مياه أو علف عشان الطيور البرية ماتنزلش بالأمراض في المزرعة

- رش مطهر فارم فلويد اس حوالين العنابر ضروري جدا اليومين دول عشان سرعة الهواء عالية و ممكن تنقل معاها فيروسات

متابعة المياه والعلف

- هنغسل المساقي زي كل يوم بمياه بيضاء و ناخد بالنا عشان ماتغرقش الفرشة تحتها و احنا بنغسلها, استهلاك المياه انهارده في اليوم التاسع 83 لتر تقريبا للألف طائر

- العلافات اليدوي هننظفها كويس من السبلة و ننزل علف جديد و برضه خطوط البان أو الجنزير نبتدي ننظف فيها لحد ما الكتاكيت تتعود عليها عشان هتكون مليانة نشارة , استهلاك العلف تقريبا 44 كجم للالف طائر

متابعة الفرشة

عنينا عالفرشة مانسمحش بأي بلل يحصل فيها و بلاش تقليب فرشة عشان مانزودش الامونيا، كل اللي ممكن نعمله أول بأول نشيل البلل و نحط مكانه نشارة جديدة

توسيع حجازة التحضين

انهارده تقريبا متوسط وزن الكتاكيت عندنا 247 جرام فمحتاجين نوسع الحجازة و ناخد بالنا في التوسيع هندفي المنطقة اللي هنوسع فيها الأول و نزودها أطباق علف و بعد كدا نفتح الحجازة

انفلونزا الطيور

هو مرض فيروسي بيصيب الدواجن و كل اللي تقدر تميزه في العنبر هو ضعف شديد جدا في سحب العلف و ارتفاع جنوني في النافق ممكن لا قدر الله يوصل ل 100% من القطيع, مصحوب ب انزفة على الرجل و زرقان في العرف و الدلايات

و الحقيقة في السنين الأخيرة الانفلونزا بقت بتيجي بصور كتير جدا و ممكن تتشابه في أعراضها مع أمراض فيروسية كتير و دا لأن الأصابة مابقتش فقط ب H5N1 و لكن حصل تحورات كتيرة جدا في الفيروس و كل شوية يدي أعراض مختلفة و لكن يظل العامل المشترك هو النافق العالي جدا و الخسارة

طب مين اللي يأكدلنا ان الحالة انفلونزا ؟

استشاري أمراض الدواجن مشرف المزرعة بوسائل التشخيص الحديثة

عشان كدا دايما بنقول انك لو هتربي دواجن لازم تتابع مع استشاري لأن هو اللي هيدلك على الطريق السليم و هيقف جنبك لو لا قدر الله في اصابة لحد ما تعديها

طب ايه الحل ؟

ملهاش الا البيست

فولفاك بيست أثبت السنين الأخيرة مع تحورات فيروس انفلونزا الطيور انه بيدي أعلى حماية لقطعان الدواجن من الأنفلونزا و دا لأن تكنولوجيا تصنيعه مختلفة جدا و بيعتمد فيها على بروتين H5 بيدي حماية ضد كل عترات انفلونزا الطيور H5 أيا كانت ال N

بالاضافة الى تكنولوجيا مطورة جدا في الخلط (الزيت + الفيروس) تسمح للقاح انه يدي مناعات سريعة تدوم لفترة طويلة.

حقن لقاح فولفاك بيست بجرعة 0.5 سم تحت جلد الرقبة عمر 7 الى 10 أيام حسب توصية استشاري أمراض الدواجن مشرف المزرعة

بكره ان شاء الله نعرف مع بعض ازاي قدرنا نعتمد على فولفاك بيست في المناطق شديدة الوبائية بنيوكاسل الدواجن

لطلب ڨولڨاك بيست من خلال

نتقابل البوست الجاي في

يوميات مربي دواجن

شتاء 2020