الأربعاء 24 أبريل 2024 مـ 01:03 صـ 14 شوال 1445 هـ
موقع الأرض
رئيس مجلس الإدارةخالد سيفرئيس التحريرمحمود البرغوثيالمدير العاممحمد صبحي

زراعة القطن من البذرة إلى الجمع فى سطور

زراعه الذهب الابيض فى مصر

،اود ان اتكلم باختصار شديد فى النقاط مو الهامه والمؤثره فى الانتاج

اولا الخدمه
حرث مرتين او٣ مرات متعامد مع تشميس جيد لقتل الحشرات والعذارى
اثنا الحرث نحط السوبر فوسفات ٣ شكاره للفدان
الارض المالحه نحط الجبس الزراعى
التخطيط
٠٠٠٠٠٠٠٠٠٠
لو ارضك خصبه وبتزرع خضار ٨ خطوط لكل ٢ قصبه
ارضك عاديه ١٠ خط لكل ٢ قصبه
ارضك مالحه وضعيفه ١٢ خط لكل ٢ قصبه
ملحوظه
٠٠٠٠٠٠٠٠٠
خلى اتجاه التخطيط من الشرق الى الغرب عشان الشمس تبقى متعامده على الخط طول اليوم لان القطن نبات حرارى بيخزن وحدات حراريه عشان ينطلق من مرحله الى اخرى
موعد الزراعه
٠٠٠٠٠٠٠٠٠٠٠٠٠
اللى بحدد انتاج القطن هو عدد الافرع فى النبات الواحد وبالتالى عدد اللوز فى كل نبات
اذا يجب ان نعلم ان اللى زرع فى نص مارس مش هيبقى زى اخر مارس او نص أبريل
باختصار لو زرعت بدرى قطنك هياخد فتره اطول وبالتالى هيدى فروع من تحت اكتر بيسموها حجر النبات وده بيبقى لوز مبكر حجمه كبير وبيهرب من الاصابه بدبدان اللوز
هنتكلم عن الزراعه البدرى والمتاخر مع بعض عشان مش كل الناس بتخلى بدرى
لو هتزرع بدرى نص مارس زود شويه عدد حبات البزور فى الجوره يعنى من ٤ الى ٥
ليه
عشان مهما كان الجو مش مستقر وممكن تغيب بعض النباتات او الجور
لو هتزرعةمتاخر كفايه ٢ فى كل جوره
طبعا حضراتكم عارفين ان نص مارس مناسب للزراعه لان الحراره بستقر فى باطن الارض من ١٠ الى ١٥ درجه لمده ١٠ ايام متتاليه
الرى
٠٠٠٠٠
سواء هتزرع مكفن او حراتى ياريت الرى يكون بالسولار ومتخفش حط ٢٠ لتر للفدان واحسبها ال٢٠ لتر فيهم ٢٠٠٠٠ الف م. لتر اقسمهم على مساحه الفدان ٤٠٠٠ متر مربع
يعنى المتر المربع مش هياخد شئ يزكر
لكن ده هيعفيك من مشاكل كتير حشريه
الخف
٠٠٠٠٠٠
ودى تانى عمليه مهمه جدا بعد موعد الزراعه بتحدد الانتاج ليه
لما تخف بدرى النبات يطلع اول فرع ثمرى على عقده منخفضه ال ٣ او ال٤
لو خفيت متاخر القطن يسرول ويطول ويعطى اول فرع ثمرى على عقده مرتفعه ال٧ او ال ٨
تخيل كده كام فرع هيروح منك لو اتاخرت فى الخف لو فرع واحد عليه لوزتين فقط اللوزه ٢ جرام فى ٣٠ او ٤٠ الف نبات متوسط الفدان اضربهم كده تلاقى راح منك قنطار تقريبا فى فرع واحد
امته تخف
٠٠٠٠٠٠٠٠٠٠
اللى زارعةبدرى مش اكتر من ٢٥ الى شهر
اللى زارع متاخر من ٢١ يو يخف
قاعده الخف
٠٠٠٠٠٠٠٠٠٠٠٠٠
الزراعه البدريه عند ظهور الورقه الحقيقيه التانيه
الزراعه المتاخره عند ظهور الورقه الحقيقيه الاولى
التسميد
٠٠٠٠٠٠٠٠٠٠
٣ شكاره يوريا للفدان تقل فى الاراضى الخصبه
الاراضى المالحه يفضل التسميد بالسلفات مع مراعه نسبه الازوت
موعد الاضافه على دفعتين
الاولى بعد الخف وقبل الرى مباشره والثانيه قبل الريه الثانيه من ٢٠ الى ٢٥ يوم
التسميد البوتاسي
٠٠٠٠٠٠٠٠٠٠٠٠٠٠٠٠٠٠
البوتاسيوم مهم جدا وخاصه فى الاراضى الغدقه سيئة الصرف حيث يقوى الجزور ويجعلها اكثر تحملا للاملاح
ينظم حركه التنفس فتح وغلق الثغور
يزيد من حجم اللوز الناضج بمقدار ٣٠٪ تقريبا
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعلمون ان القطن يصاب بالعديد من الامراض الحشريه من الزراعه وحتى الحصاد
الافات الاولى منذ البادره وتصاب ب
الدوده القارضه ٠٠ الحفار ٠٠٠
التربس٠٠٠ الاكاروس
ودى حجات معروفه وعلاجها سهل المهم ماتتاخرش فى العلاج
وياريت تستخدم البداءل اول الموسم عشان تحافظ على الاعداء الحيويه
وخدها قاعده
القطن اللى ترشه من اول السنه كتير تعد ترشه كتير لانك فقدت جنود بتحارب معاك ربنا حطهالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بعد المجهود السابق تاتى تلك الاصابه الملعونه ديدان اللوز اللى ممكن تقضى على المحصول بالكامل
ودى تبداء معاك بمجرد ظهور مستقبلات يعنى وسواس ثم ازهار ثم لوز
دي اسمها مستقبلات وديدان اللوز ٣ انواع
شوكيه... قرنفليه... امريكيه
الشوكيه تيجى الاول قبل حتى المستقبلات ويسمو الجيل ده جيل انتحارى لانه مايلاقيش وسواس او لوز فيصيب القمه الناميه للنبات كانك عامل عرنصه او خصى او قصف للقمه الناميه
لما يصيب اللوز تشوف ثقب الدخول والخروج مشرشر وبراز خارج الثقب
لو اصاب الوسواس تشوف المصرعين مفتوحين
ديدان اللوز القرنفليه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ودى لما تصيب اللوز ماتشوفش لها ثقب دخول لان الفراشه بتحط البيضه فى قمه اللوزه باله وضع البيض لكن لما تكبر وتطلع تشوف ثقب خروجها فقط
دوده اللوز الامريكيه
٠٠٠٠٠٠٠٠٠٠٠٠٠٠٠٠٠٠٠٠٠
ودى مصيبه شرسه تتغذى على محتوى اللوزه وتفرغ محتواها تفترس اى نوع من الديدان لو اقترب منها اثناء التغذيه لاتدخل بالكامل داخل اللوزه لكن جزء منها يبقى بالخارج
مظهر الاصابه على الاوراق ثقوب واسعه غير منتظمه فى اتجاه واحد ٠٠٠٠٠٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠مش كل مزارع هيقدر يتعرف على نوع الاصابه
والعلاج واحد فى كل الحاجات
يبقى التوصيه بمجرد ظهور مستقبلات عندك
كل من اسبوع الى ١٠ يوم رشه ضدد ديدان اللوز
لكن لازم تعرف انك لو كررت مبيد او ماده فعاله مرتين الحشره هواخد مناعه وتعمل مشاكل كبيره
التوصيه تستخدم ٣ مجموعات بالتبادل
الاولى فوسفورى كلور بيرفوس مع مانع انسلاخ
ثم مجموعه البيروثرويد
ثم مجموعه الامماكتين بنزوات زى البروكلين وهكذا
حتى نهايه الموسم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ انصح برش عالى الفوسفور ومركب مبيكوات كلوريد مرتين
الاولى مع بدايه التزهير
ثم بعد اسبوع من الاولى
هذا له تاثير جيد جدا فى تنظيم نمو القطن ودفع التزهير
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هناك بعض المشاكل التى قد تحدث مثل
الهياج الخضرى
وده نرشه اما مبيكوات بشرط قبل العقد
او منقوع السوبر والبوتاسيوم مرتين متتاليتين خلال ٣ ايام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الاحمرار الفسيولوجى
وده فى الاراضى الضعيفه
وعلاجه رش منقوع اليوريا٢٪ مره او مرتين.
................
* وكيل الإدارة الزراعية بميت سويد - دقهلية