”عمر 13 يوم” .. الخطوة 24 من حملة ”ڨيت مديكا” .. يوميات مربي دواجن ـ شتاء 2020 اضبط ميزان التدفئة والتهوية في العنبر

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة "تسمين" سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان، وتبدأ هذه الحلقات بالتطهير في عدة حلقات أيضا، فإلى الحلقة الرابعة والعشرين، وهي "عمر 13 يوم":

نزول الحرارة اليومين دول بالليل بشكل كبير يخلينا ناخد بالنا ان في فرق بين التهوية و التدفية, يعني الهواء و الاكسجين لازم يدخلوا العنبر, و مش عشان نحتفظ بدرجة الحرارة نكتم العنبر, فلازم نظبط الميزان دا

قولولنا في التعليقات بتشربوا ايه بالليل في المزارع عشان تتدفوا؟

يللا بينا نتابع مزرعتنا

متابعة الأمن الحيوي

- دخول الأشخاص للضرورة القصوى و عند الدخول هنطبق كل اجراءات الأمن الحيوي من حموم و تغيير الملابس و لبس الزي الخاص بالمزرعة و ترك المتعلقات خارج المزرعة

- أي معدات أو أدوات هتدخل المزرعة و خصوصا الانابيب هتتغسل و هتتطهر ب مطهر ڨيركون اس

- نظافة حول العنابر مهمة جدا و دا اللي بيخلي مفيش طيور برية تنزل المزرعة

- مغاطس العربيات و الأقدام متفعلة و مليانة ب مطهر فارمفلويداس (مطهر المهام الشاقة) بمعدل اضافة 5سم/لتر الماء و هو فينولات مخلقة + مادة غروية تلزق على السطح المراد تطهيره

- احواض او مساقي غسيل اليد قبل دخول العنابر مليانة بيوسيد30 أقوى مطهر يود موجود في مصر

- العمال و المشرفين لابسين اللبس المخصص للعنابر

- رش السلالم بمطهر ڨيركون اس بمعدل اضافة 5جم/لتر الماء

- رش العنابر من الداخل فيركون اس بمعدل اضافة 5 جم/لتر الماء يوم بعد يوم

- فيركون اس سقوة في ماء الشرب بمعدل اضافة ا جم/ لتر

- لم النافق و عده أول بأول و التخلص منه بالطريقة السليمة (الدفن أو الحرق)

متابعة المياه والعلف

النهارده اليوم ال 13 كمية العلف لل 1000 طائر متوسط 64 كيلوجرام و كمية المياه 120 متوسط استهلاك لل 1000 طائر. و احنا دايما عنينا عالاستهلاكات عشان نطمن على صحة القطيع لو في انخفاض

نضخ خطوط النبل عشان ميتراكمش جوا الخطوط طبقة مواد عضوية و تكتم

متابعة الفرشة

نتابع الفرشة يوميا و أي بلل هنشيله و نحط فرشة جديدة عشان سلامة الجهاز التنفسي و المعوي

مفيش تقليب فرشة لان التقليب بيزود غاز الامونيا و الغبار و دا بيضر الجهاز التنفسي للطيور

متابعة التهوية والحرارة

الحرارة انهارده 28.1 درجة سليزيوس

التهوية المظبوطة اننا نقف في وسط العنبر نتنفس بأريحية بدون ما نشوف غبار ولا نحس برطوبة زيادة في العنبر ولا نشم ريحة أمونيا

تحصين الطيور عن طريق الرش

مميزات التحصين بالرش:

- واحدة من طرق التحصين الجماعي، وهي طريقة سهلة وسريعة لتحصين الطيور.

- تتميز بتكوين مناعة موضعية عند دخـول اللقاح في الممرات التنفسية العليا.

- من أفضل وأسرع الطرق لتحصين اللقاحات الحية الخاصة بالأمراض التنفسية بكفائة عالية, تيجي في الترتيب بعد التقطير.

عيوبها:

في حالة التطبيق الغلط ممكن يحصل تفاوت المناعات في القطيع وممكن يحصل اثارة للمايكوبلازما .

أنواع الرش:

الرش الخشن

مناسب للأعمار الصغيرة

نرش على بعد 30 سم فوق راس الطيور .

التحصين بيقف عند الجهاز التنفسي العلوي لأن قطرة التحصين كبيرة

الرش الناعم

مناسب للأعمار الكبيرة

بيكون على شكل ضباب وعلي بعد من 50-100 سم عن رأس الطيور.

التحصين بيوصل للجهاز التنفسي السفلي (تلرئتين و الأكياس الهوائية)

طب ناخد بالنا من ايه في تحصين بالرش؟

- نقفل الشبابيك و المراوح عشان التحصين ينزل عالفراخ.

- انظف جهاز الرش بمياه مقطرة قبل الاستعمال

- استخدام مياه مقطرة في عملية الرش

- نستخدم أجهزة مضبوطة ومخصصة لعملية رش التحصينات فقط .

- وقت التحصين قبل ما نبتدي هنقسم الفراخ جنبين في العنبر بالطول (يمين و شمال) و نقفل النور و نبتدي رش

- مانزودش فترة الرش عن 20-30 دقيقة ونتحرك بالراحة وسط الفراخ عشان ما يطلعش غبار وسط الفراخ .

- و احنا ماشيين وسط الفراخ هنسمع صوت شبه صوت العطس و حركة للراس , كدا نتأكد ان الطيور بتستنشق التحصين

متوسط كمية الماء اللازم للتحصين عن طريق الرش:

- الأسبوع الأول: 200 مل/ 1000 طائر

- بالأسبوع الثاني: 250 مل/ 1000 طائر

- بالأسبوع الثالث: 300 مل/ 1000 طائر

- بالأسبوع الرابع فما فوق: 400 – 500 مل/ 1000 طائر

نتقابل البوست الجاي في

يوميات مربي دواجن

شتاء 2020