”الغسيل” .. الخطوة الثالثة في تطهير عنابر التسمين .. ضمن حملة ”ڨيت مديكا” .. ”يوميات مربي دواجن ـ شتاء 2020”

نجح قطاع "ڨيت مديكا" أكبر قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الثالثة ـ الغسيل:

البوست انهارده طويل شوية بس مفيد جدا و لازم نركز فيه عشان الغسيل أهم عملية جوا منظومة التطهير
وزع عمالك انهارده كويس عالشغل في المزرعة عشان يوم الغسيل يفضل تنجزه مره واحدة.
افتح عنبرك و هويه من المبيد الحشري , انهارده هندخل في الشغل اللي بيأكدلنا ان احنا ماشيين صح
قبل ما نبتدي اتأكد ان مشرفينك و عمالك فطروا كويس و شربوا الشاي عشان اللي جاي مافهوش هزار
أول حاجة هتعملها في يوم الغسيل انك بنفسك هتفصل الكهرباء عن العنبرعشان لا قدر الله مايحصلش ماس كهربائي من المياه
في البداية لازم نعرف احنا ازاي هنغسل عنابرنا بطريقة علمية سليمة على 3 مراحل
المرحلة الأولى: الغسيل بمياه بيضاء
نبدا الاول الغسيل بالمياه البيضاء و خد بالك من ضغط الماكينه يكون ضغط عالي ونبدا من اخر العنبرلاوله و مننساش نبدا بالسقف و الحوائط و المعدات و فى الاخر الارضيه
ولازم ناخد بالنا التخلص الكامل من متبقيات الغسيل و التركيز على الاماكن المهمه زى خطوط النبل و خطوط العلف
المرحلة الثانية: المنظف (مش الصابون) و تطهير خطوط النبل و تطهير خلايا التبريد
هترش بادئ أو ممهد التطهير (مش الصابون) على كل جزء في العنبر و حوائط و معدات و أرضية و تركز على المراوح بره و جوه
و رش ممهد التطهير هيكون رش شمسية يعني نظبط ضغط البشبوري انه يطلع قطرات المطهر على شكل شمسية بضغط مش عالي عشان المنظف يثبت على السطح اللي هيترش عليه
فائدة ممهد التطهير (مش الصابون):
تقليل التوتر السطحي للمادة العضوية اللي لازقة بقالها 40 يوم و ازالتها, فلما تيجي تغسل بماء تحت ضغط هتلاقيها طلعت معاك و خدت معاها جزء كبير جدا من البكتيريا و الفيروسات
ليه بنقول مش الصابون؟
لأن الصابون بيسيب وراه بعد الغسيل طبقة جيرية و دي أصلا مادة عضوية هتعمل عازل يمنع المطهراللي هترشه من شغله بعد كدا في التطهير النهائي
في الحقيقة انت قدامك اختيار من اتنين عشان تكون ماشي على اساس علمي و الدنيا ماتتلخبطش معاك
انك تخلي التطهير في السكة القلوية أو السكة الحامضية
لو هتختار السكة القلوية يبقى هتختار منظف (شيفت) بمعدل اضافة 5 سم/لتر الماء
لو السكة الحامضية يبقى منظف (ديجاكلين 51) بمعدل اضافة 5 سم/لتر الماء
كل سكة منهم بتأثر بشكل أقوى على مجموعة من العائلات الفيروسية و دا بيكون على حسب تاريخ اصابات المزرعة
عشان تعرف تقرر كويس انت محتاج ايه ماتترددش و اتصل برقم تليفون فيت ميديكا لتحديد زيارة للمزرعة أو تتواصل معانا عن طريق خدمة ال واتس اب اللي موضح الرابط بتاعها في اخر البوست
مميزات منظفات (شيفت) و (ديجاكلين 51):
أقوى و أحدث عائلات ممهدات تطهير موجودة في السوق البيطري حاليا
تقدر تعتمد عليهم في تفتيت و ازالة المادة العضوية تماما
مش هيسيبوا وراهم طبقة جيرية عالمعدات بعد الغسيل و تعوق عملية التطهير
مش هيعملوا رغوة و انت بتغسل ف هيبان قدامك العنبر كله و تقدر تتحرك براحتك
زمن التلامس قصير و زمن التلامس هو (الفترة بين بداية تلامس المنظف مع السطح المراد تنظيفه الى اتمام عملية تفتيت المادة العضوية)
فيديك الفرصة انك تغسل مباشرة بعد الرش
وخد بالك اهتم بالشطف و التخلص من اثار الغسيل
هتنقع خطوط النبل بالمطهر المناسب (بيوسيد 30 أو باراكلين 15) لمدة 6 ساعات و بعد كدا تضغط الخط بماء ابيض لطرد المادة العضوية و طبقة البيوفيلم
تطهير خلايا التبريد
ملئ خزانات التبريد على جنبين العنبر و اضافة المطهر و تشغيل دورة التبريد لمدة ساعتين
المرحلة الثالثة: الغسيل بمياه بيضاء
أول ما تخلص رش عنبرك بالشيفت او الديجاكلين 51 و انت في أول العنبر تكون ماكينة الغسيل شغالة في آخر العنبر (احنا اتفقنا هنمشي من الاخر للأول)
في الغسيل ماتسيبش حته في العنبر ماتغسلتش و الطريقة المثلى انك هتغسل باكية باكية معدات و حوائط و ستائر و سقف
ناخد بالنا كويس من غسيل المراوح لأن دي الجزء الأكثر صعوبة, هتغسل حتة حتة في كل مروحة الشطرات و الريش و المروحة من جوا و تعيد على أرضية المروحة في الاخر لحد ما تطلع مياه نظيفة معاك
و بعد ما تخلص العنبر تعيد عالارضية و السمل و الجزء السفلي من العمدان
سيب عنبرك ينشف و خليه مفتح .
حد هيكون شغال بره في غسيل المعالف و المساقى و معدات التحضين
روح العمال السكن بقا عشان يريحوا شويه لبكره, انهارده كان يوم طويل جدا
يفضل تكافئ العمال بعشوة حلوة انهارده و تجيب حلاوة طحينية أو مربى كتير للعمال بعد العشا و يا سلام لو عسل اسود عشان تعبوا جامد بس معلش يوم يستاهل التعب عشان تطمن ان الحمل الميكروبي قل في العنبر و تقدر تطهره
نتقابل البوست الجاي في
يوميات مربي دواجن
شتاء 2020
تابعونا عشان يوصلكم بوست كل يوم من فيت ميديكا